Topins de Lenga passats
Topin Orthez Médièval
Ortès 02/10/2022
Topin micologic
Salias 23 d'octobre 2022
Topin deu Musèu de la Sau
Salias 2022
Aqueste topin que s'acaba on a començat : a la sala de la muda.
Un cop mei, moment conviviau mercés au repaish partatjat, a las batalèras e las cantas qui segueishen la visita.
E quina visita !
Mercés a Annie deus amics deu vielh Salias qui'ns hè descobrir pendant ua òra e mieja los tres solèrs deu Musèu de la sau.
A l'embaish l'installacion tau qu'èran organizadas las maisons quauquas sègles. Los tiradors : que n'avètz dus deus valents quan ne portaràn pas 130 litres de saussa com los davancèrs hens lo samau. Que'u barrejan hens lo coleder còsta la maison qui mia aquera aiga salada dinc au dulin au miei de l'ostau. Aquera sèrva de la quau l'aiga tirada ei cauhada dinc e sobri sonque la tan preciosa sau qui hè lo riquèr deus parts-prenants. E qui ei partatjada segon la lei edictada hens lo libe negre despuish 1587 mei vielh reglament enqüèra en vigor uei lo dia.
La maqueta de la vila que'ns ajuda a comprener quin se passava auts còps hens los diferents barris.
Lo prumer solèr qu'ei consacrat a la vila e a la vita vitanta deu començament deu sègle XIXau. L'adobament deus lòcs en foncion deu deu termalisme. Los objèctes especifics emplegats ec.
Topin 2022
Saint Pé de Leren
