Lo capulet roi

Au pè de la montanha/On lo valon d'Aussau
Gaujós com un casau/S'esten per la montanha
A l'endret on jo soi./Que i a ua bergèra
Tan beròja e tan fièra/Qu'a lo capulet roi. (bis)

Quan lo dimenge arriba,/Coeifa son petit cap
De blanc fresc empesat/E que se'n va hueitiva
Hòra de on jo soi/Pèrdi mon temps en córrer
Lo bonur que'm demora/Dab lo capulet roi. (bis)

Sus un sendèr de mossa,/Que la veden passar
Shens càder ni lissar/Qu'ei l'amor qui la possa
Tà viéner on jo soi./Tanben a la velhada
La mei bona calhada/Qu'ei tau capulet roi. (bis)

Las daunas d'Aigas-Bonas,/Viengudas Diu sap d'on
Que pòrtan sus lo front/Plumas, flors e coronas
Tà viéner on jo soi,/Totas vòstas riquessas
Valen pas las tendressas/Deu men capulet roi.

Nosauts aulhèrs qu'èm praubes,/Si'ns volem maridar
Lo tesaur qu'aimam plan/Qu'ei l'aunor de la rauba
Qu'ei aqueth que jo voi./D'amor n'auram pas hrèita
Si lo Bon Diu me güèita/Lo men capulet roi.