Los tilholèrs

Avetz vos vist los tilholèrs
Quin son braves, hardits, leugèrs ?
Que hèn la promenada
Capsús Peirahorada,
En tirant l’aviron
Tot dret au deu patron.

Vienetz daunetas, si vos platz,
Ací qu’èm d’aunèstes gojats.
Non crànhetz pas la galèrna,
Ni lo vin de la citèrna,
Dab nos qu’am Pojalèr,
Lo brave tilholèr.

Per promenà’s, lo temps qu’ei bèth,
Embarcatz en noste vaishèth !
La nosta governanta,
Qu’ei beròja e charmanta,
Per estar de París,
Que sembla deu país !

En arribant au Pont Major,
Quartièr de Baiona la flor,
Deu haut de la tilhòla,
Qu’an hèit la cabriòla,
Deu haut de Panecau,
Qu’an hèit lo subersaut.

Puish en repréner l’aviron,
Que se’n van dret a Sent Leon,
Ensenhar la joenessa,
A banhà’s dab hardiessa,
Per apréner com cau
A har lo subersaut.