La shuqueta

Hei ! los amics de la shuqueta,
Dab lo bon Diu que trincaram.
Los qui n'an pas bevut qu'aigueta,
Entà l'in·hèrn se n'anaràn.

Mes quan sent Pèire
Orbirà la grana portèra,
Que'u diseram :
« Ça-i, ça-i, gormand, béver lo vin blanc ! »

E vos tanben pairs de familha,
Qui vos trufatz de har l'amor.
Ça-vietz ací har a la manilha
E béver drin de vin deu bon...

E vosautas hemnas vielhòtas
Qui hialatz au cornèr deu huec,
Que siatz praubas o devòtas,
Qu'aimatz a béver lo vin sec.

Devath l'aisheta,
Que ve'n vatz dab l'escudeleta,
Tostemps, tostemps, tot en blagant,
Béver lo vin blanc.

E vos tanben las gojatetas
Qui avetz aus pòts l’arrisolet,
Tà començar las amoretas
Ça-vietz ací béver lo borret.