Lo primtemps qu’ei arribat

Lo primtemps qu'ei arribat,
Lo temps de la vriuleta,
Las mairs e las hilhòtas
Qui's vòlen maridar,
Que se'n van sus la prada,
Tà se n'anar amusar.

I a un navèth pastor,
Viengut non i a pas guaire,
Diu ! quin bèth aire !
Que'n charma las qui vòu !
Si jo sabí deu plàser,
Jo'u balharí mon còr.

Jo't balharí mon còr,
Si n'èras fidelòta,
Tòca manòta,
E hè me'n lo serment,
Las toas amistosòtas
Non finiràn jamei.

Non i a pas nat camin
Que non aja travèrsa,
Diu ! quin comèrce
La vita de s'aimar.
Per un moment de feblessa,
Si'ns calè separar.