La vielha d'Auloron

A Auloron i avè ua vielha, (bis)
De mei de quate-vints ans
E lo trintrin trintran, la vielha,
De mei de quate-vints ans,
E lo trintrin trintran.

Que'u gahà la maridèra (bis)
Mes on trobar un galant ?

Se n'anà entà Tolosa, (bis)
Tà'n cercar un de vint ans.

Qu'ac publicàn per la vila, (bis)
Mes arrés n'ac escotàn.

Los gojats qui desirava (bis)
Que la corrèn tots davant !

En se'n tornant de la vila, (bis)
Que'n trobè un de charmant.


Charmanton, ce'u ditz la vielha :(bis)
« Que cau maridà't augan.

Pas au mens dab tu vielhassa, (bis)
Quan aurés cinc mila francs ! »

Com la vielha avè finança (bis)
Autan plan que s'esposàn.

Lo diluns, noça a tot pèrder (bis)
E lo dimars que's trucàn.

Lo dimèrcs que l'escanava, (bis)
Lo dijaus que l'enterràn.

Lo divés purmèra missa, (bis)
Lo dissabte lo cap d'an.

Dab los sòus de la vielhassa, (bis)
Se'n prenó ua de vint ans

Atau que'n va de las vielhas, (bis)
Quan se prenen joens galants.