Maudit sia l'amor
Maudit sia l'amor, tant la nueit com lo dia,
Tant la nueit com lo dia, mon Diu…
Quant de larmas me costan aqueths adius !
No'm vienis consolar, dèisha'm en la tristessa,
Dèisha'm dens la tristessa, plorar,
Ma volatja mestressa vien de'm quitar…
Un navèth aimador quan plus èra vesiada,
Quan plus èra vesiada d'amor,
Que la m'a capvirada praube de jo…
Non me'n parletz pas mei, d'aquera malurosa,
D'aquera malurosa, jamei,
La vita m'ei afrosa quan jo la vei…
Jo que me'n vau anar, guardar las anesquetas
Guardar las anesquetas, lahaut,
Quant de larmas me costan aqueths adius…
Arrés de mei urós que pastors en montanha
Que pastors en montanha, mon Diu !
Quant de larmas me costan aqueths adius…