Atau quan l’arròsa ei navèra

Atau quan l'arròsa ei navèra,
Quan ei miei ubèrt lo boton,
Atau qu'avè, sus la maishèra,
Pausat, Filís, lo vermilhon.

Com lo só, clarejanta qu'èra,
Tau medish tendra com l'arrós.
Malaja qu'estosse tan bèra,
E que jo hoi (estossi) tant amorós.

Que m'a banit de sa preséncia,
Que no'm poish estar de l'aimar,
Contra l'amor que pòt l'abséncia ?
Era non hè que l'aumentar.

Pastorets qui n'avetz enqüèra,
Gostat ni plasers ni doçors,
Guardatz-ve, sustot, d'aimar hèra,
Si longtemps, voletz víver urós.