Lahaut sus la montanha

Lahaut, sus la montanha, un pastor malurós,
Segut auprès d'un hau, banhat de plors,
Sonjava au cambiament de sas amors.

Pòts cambiar còr de tigressa,
Pòts cambiar de servidor
Non, jamei no'n trobaràs,
Non, jamei no'n trobaràs, un aute com jo.

Còr leugèr, còr volatge, disè l'infortunat,
La tendressa e l'amor qui jo t'èi dat,
Son aquò los rebuts qui èi meritat ?

Despuish qui tu frequentas la gent de condicion
Qu’as pres un tant haut vòl que ma maison
N’ei pro hauta entà tu d'un cabiron.

Adiu, còr de tigressa, pastora shens amor,
Cambiar, be pòts cambiar de servidor,
Jamei no'n troberàs un tau com jo.